2024 ОНЫ 02 ДУГААР САРЫН СҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2024 оны 02-р сарын 21-нээс 2024 оны 02-р сарын 29-ны өдрийг хүртэл /

Температур: Агаарын дундаж температур нийт нутгаар 11.0-19.5 градус хүйтэн, олон жилийн дундажтай харьцуулбал Сайхандулаан суманд дунджийн 1.1 орчим, бусад нутгаар дунджаас 1.8-7.4 градус хүйтэн байлаа.Үнэмлэхүй их температур өдөртөө Замын-Үүд сумын нутгаар +2 градусаар дулаан, үнэмлэхүй бага температур шөнөдөө Дэлгэрэх суманд -30 градус хүйтэн байв. Хөрсний гадаргын дундаж температур нийт нутгаар 7-19 градус хүйтэн, үнэмлэхүй их температур өдөртөө Хатанбулаг сумын нутгаар +13 градус дулаан, үнэмлэхүй бага температур шөнөдөө Дэлгэрэх сумын нутгаар -33 градус хүйтэн байлаа.

Хур тунадас: Энэ 10 хоногт Айраг суманд 0.5 мм хур тунадас орлоо, бусад сумдын нутгаар хур тунадас ороогүй. Орсон хур тунадасны нийлбэрийг олон жилийн дундажтай (ОЖД) харьцуулахад: Нийт нутгаар дунджаас бага хур тунадастай байлаа.

Салхи: 10 хоногийн салхины хамгийн их хурд Иххэт, Хөвсгөл сумдад 12 м/с, Замын-Үүд, Эрдэнэ сумдад 11 м/с, Мандах, Сайншанд, Алтанширээ, Сайхандулаан сумдад 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-2 өдөр байна. 

Цасан бүрхүүлийн байдал: Энэ 10 хоногийн хээрийн цасны хэмжилтээр, цасны дундаж зузаан Дэлгэрэх, Иххэт сумдад 15 см, Айраг суманд 9 см, Алтанширээ суманд 5 см, Эрдэнэ, Өргөн сумдад 1 см, Сайншанд, Хөвсгөл, Сайхандулаан сумдад 1см-аас бага байна. Цасны бүрхэц Дэлгэрэх, Айраг, Алтанширээ сумдын нутгаар 10 балл, Эрдэнэ, Иххэт, Өргөн сумдын нутгаар 5-9 балл, Сайншанд, Хөвсгөл, Сайхандулаан сумдад 1-4 баллын цасан бүрхүүлтэй байна. Цасны дундаж нягт Дэлгэрэх суманд 0,34 г/см³, Айраг суманд 0,31 г/см³, Алтанширээ суманд 0,27 г/см³, Иххэт суманд 0,24 г/см³ байна.

МАА-н үйлдвэрлэлд: Нийт нутгаар малд нэмэгдэл тэжээл өгөх, хужир шүү бэлтгэх мал оторлох, ажил явагдаж байна. Цаг агаарын нөхцөл, их цаснаас болж сумдад энэ 10 хоногийн турш мал бэлчээрлэлт хүндрэлтэй, мал бэлчээрт орой бэлчиж эрт хотолж байна. Зуншлага тааруу байснаас малын бэлчээр муутай, зарим газартаа цас зузаарч хунгарласан.

Зудын нөхцөл байдал: Засгийн газрын 286 дугаар тогтоолын дагуу зудын байдлыг үнэлгээ хийхэд 14 сумын 2 сумд "төмөр буюу мөсөн зудтай" 4 сумд "цагаан зудтай" байна. Иххэт, Өргөн сумдын нутгаар “төмөр буюу мөсөн зуд” Дэлгэрэх, Айраг, Алтанширээ, Даланжаргалан сумдын нутгаар “цагаан зуд”  бусад нутгаар хэвийн байна.

2 ДУГААР САРЫН ТОЙМ МЭДЭЭ 

Температур: Агаарын дундаж температур нийт нутгаар 10.9-18.8 градус хүйтэн, олон жилийн дундажтай харьцуулбал Сайхандулаан суманд дунджийн 0.9 орчим, бусад нутгаар дунджаас 1.4-5.8 градус хүйтэн байлаа. Үнэмлэхүй их температур өдөртөө Замын-Үүд сумын нутгаар +13 градусаар дулаан, үнэмлэхүй бага температур шөнөдөө Өргөн суманд -33 градус хүйтэн байв. Хөрсний гадаргын дундаж температур нийт нутгаар 9-19 градус хүйтэн, үнэмлэхүй их температур өдөртөө Замын-Үүд сумын нутгаар +17 градус дулаан, үнэмлэхүй бага температур шөнөдөө Иххэт сумын нутгаар -35 градус хүйтэн байлаа.

Хур тунадас: Энэ 10 хоногт хоногт Хөвсгөл суманд 2.6 мм, Эрдэнэ суманд 2.3 мм, Замын-Үүд суманд 1.7 мм, Хатанбулаг сумдад 1.6 мм, Иххэт, Өргөн сумдад 1.5 мм, Сайншанд суманд 0.9 мм, Мандах суманд 0.8 мм, Айраг суманд 0.7 мм, Улаанбадрах суманд 0.6 мм, Сайхандулаан суманд 0.5 мм, Дэлгэрэх, Алтанширээ сумдад 0.3 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Замын-Үүд, Хөвсгөл, Эрдэнэ, Өргөн, Хатанбулаг сумдын нутгаар дунджаас ахиу, Сайншанд, Айраг, Иххэт, Улааныадрах сумдын нутгаар дунджийн орчим, бусад нутгаар дунджаас бага хур тунадастай байлаа.

Салхи: 10 хоногийн салхины хамгийн их хурд Мандах суманд 21 м/с, Замын-Үүд, Хөвсгөл суманд 16 м/с, Сайншанд, Дэлгэрэх, Иххэт сумдад 15 м/с, Эрдэнэ, Айраг, Алтанширээ, Өргөн, Улаанбадрах сумдад 12 м/с, Сайхандулаан, Хатанбулаг сумдад 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-11 өдөр байна.